IKMT ka shëmbur sot shtëpinë ku ka jetuar Nexhmije Hoxha. Punonjës të IKMT-së dhe të Bashkisë së Tiranës po nxjerrin sendet shtëpiake nga banesa.
Mësohet se banesa ndodhej në zonën ku do të kalojë projekti i Unazës së Madhe. Në këtë banesë Nexhmija jetoi që prej vitit 1994, deri ditën kur vdiq.
Kati i dytë i kësaj banese ka qenë streha e saj pas largimit nga ish Blloku. Këto ndërtesa më parë kanë qenë godina të ish-reparteve ushtarake dhe ish-pularisë, dhe banorët një pjesë i kanë privatizuar.