Spalleti: Pordenone skuadër me kualitet (video)

Trajneri i Interit, Luciano Spalletti, e pranon se mund ta ketë nënvlerësuar Pordenonen në Kupën e Italisë.

Zikaltrit u kualifikuan me anë të penalltive, duke u befasuar kështu nga kundërshtari i tyre që luan në Seria C.

“Lojtarët që kanë luajtur pak këtë sezon kishin vështirësi sonte, kjo sepse Pordenone ishte kualitative në mesfushë”, ka thënë Spalletti pas ndeshjes për Rai.

“Ne nuk mund të merrnim kontrollin e topit, u ndiem të sfiduar në vend se të gjithë të bënin rolet e tyre. Në aspektin psikologjik çdo gjë u bë më e vështirë”.

“Dallime në kualitete në fushë ishte dhe ndoshta unë nuk kam bërë punën time aq mirë pasi hodha poshtë potencialin tonë. Në pjesën e dytë ishim më të mirë, edhe në kohën shtesë kur ata parkuan autobusin dhe u mbrojtën mirë”.

“Në disa situata ishim të pafat, por edhe ata ishin, atëherë kur goditën shtyllën. Ishte një kualifikim i vështirë, topi bëhet i rëndë për të gjithë në penallti. I uroj lojtarët, e meritojnë. Padelli bëri mirë në penallti”, ka shtuar Spalletti.

Kundërshtari i ardhshëm i Interit në Kupën e Italisë është fituesi i ndeshjes Milan – Hellas Verona.

Komente