Presidenti Donald Trump ka dhënë të tjera detaje mbi operacionin ushtarak të SHBA-së në Venezuelë.
Sipas mediave të huaja, detajet Trump i ndau në një konferencë për shtyp nga klubi Mar-a-Lago në Palm Beach, Florida, të shtunën.
Gjatë fjalës së tij, Trump duke lavdëruar ata që ishin të përfshirë për ekzekutimin e misionit, tha se dritat në Karakas u fikën ndërsa udhëheqësi venezuelian Nicolas Maduro u kap gjatë natës.
“Asnjë komb në botë nuk mund të arrinte atë që Amerika arriti dje. Ose sinqerisht, vetëm në një periudhë të shkurtër kohore, të gjitha kapacitetet ushtarake të Venezuelës u bënë të pafuqishme, ndërsa burrat dhe gratë e ushtrisë sonë, duke punuar me ne, forcat e rendit, kapën me sukses Maduron në mes të natës. Ishte errësirë, dritat e Karakasit ishin kryesisht të fikura për shkak të një ekspertize të caktuar që kemi”, tha Trump në një konferencë për shtyp pak çaste më parë.
“Ishte errësirë dhe ishte vdekjeprurëse”, shtoi Trump, shkruan A2 CNN.
Kujtojmë se forcat e ushtrisë amerikane gjatë natës dhe mëngjesit të sotëm kryen sulme në disa baza ushtarake të Venezuelës dhe kapën Presidentin Maduro dhe bashkëshorten e tij.