Teksa bota po dënon me ashpërsi sulmin terrorist në Sidney dhe Australia është në gjendje shoku prej orësh, mediat kanë siguruar edhe pamjet e foto të autorëve të masakrës që deri tani ka lënë 12 të vrarë dhe 29 të plagosur, mes tyre edhe një prej sulmuesve.
Fotot e dy autorëve të masakrës së Sidney-t po qarkullojnë në internet. Këto janë momente imazhesh të bëra gjatë incidentit dhe pak para se ata të neutralizoheshin.
Burri me të zeza është 24-vjeçari Naveed Akram dhe burri tjetër me pantallona të bardha është autori tjetër i krimit, për të cilin po kërkohen prova me qëllim identifikimin e tij. Hetimet janë ende në proces.
Në fakt, policia ka bastisur shtëpinë e njërit prej tyre. Deri tani janë zbuluar armë, eksploziv, dokumente dhe të dhëna me interes hetimi.
Autoritetet po verifikojnë për një bashkëpunëtor të tretë në krim.
Një nga autorët u vra dhe tjetri, 24-vjeçari, u plagos rëndë. Mes viktimave edhe një rabin e një fëmijë 10 vjeç.
Shënjestër e sulmit ishte komuniteti hebre në zonën e plazhit Bondi në Sidney, ku po kremtohej festa e Hanukkah.