Gazetari Artan Hoxha ka kritikuar financimin me 4.2 milionë euro të koncertit të artistit Kanye West, duke deklaruar se ky fond mund të ishte përdorur për të përmirësuar kapacitetet e zjarrfikësve në përballimin e zjarreve.
Duke folur mbi këtë çështje, Hoxha tha se qeveria kishte parashikuar një ndikim ekonomik prej 100 milionë eurosh nga organizimi i koncertit, por ai vuri në dyshim mënyrën se si është arritur kjo shifër. Si krahasim, ai përmendi koncertin e të njëjtit artist në Madrid, ku sipas tij, ndikimi ekonomik i pritshëm llogaritet në rreth 45 milionë euro, pavarësisht se bëhet fjalë për një treg me popullsi dhe standard jetese më të lartë.
Sipas Hoxhës, një ditë para miratimit të fondit ai kishte biseduar me punonjës të shërbimit zjarrfikës, të cilët i kishin thënë se me 4.2 milionë euro mund të përmirësoheshin ndjeshëm kapacitetet për luftimin e zjarreve, pa qenë e nevojshme blerja e një avioni Canadair. Hoxha deklaroi gjithashtu se zjarrfikësit i kishin thënë me ironi se nuk kishin marrë pajisjet e nevojshme, por bileta falas për koncertin.
“Qeveria tha se parashikonte 100 milionë euro nga koncerti i Kaney West. Tani është koncerti i të njëjtit këngëtar në Madrid dhe duke patur parasysh është janë gati 40 milionë banorë dhe standard tjetër më i lartë jetese, parashikohet të sjellë 45 milionë euro. Para koncertit, një ditë para se të lëvrohej fondi, fola me zjërrfikësit, dhe thanë se me 4.2 milionë euro nuk kanë nevojë për Canadair.
Sot pashë Cougar me kova që u kishin vënë nga një fuçi nga poshtë. Ku na vlejnë më parë ato para për koncertet, apo te fikja e zjarreve. Këta të zjarrfikëseve më thanë a do të vish në koncert se kemi bileta falas. Pra nuk u dhanë zjarrfikësen, por bileta.
T’i çosh 4.2 milionë euro. Si arriti qeveria që impakti do të ishte 100 milionë euro? I fute ti 4.2 milionë, si i llogarite ti. Prokuroria duhet ta fillojë pa kallëzim fare dhe ta nxjerrë se nuk ka patur shkelje. Kryeministri ka 5 vjet që thotë do të blejmë një Canadair. Nuk kam parë në asnjë vend të botës që merret qeveria dhe ministria me një koncert privat. Qeveria merret me rendin dhe sigurinë”, tha Hoxha për “TPZ”.
