Rithemelimi, Partia e Lirisë dhe Aleanca për Teatrin mbajnë sot protestën e radhës para Bashkisë së Tiranës. Me të njëjtin motiv, për largimin e kryebashkiakut Erion Veliaj, që sipas tyre është i përfshirë në korrupsion.
Policia edhe këtë herë, për shkak të hedhjes së molotovit dhe tensioneve që kanë shoqëruar protestat e kaluara, ka marrë masa sigurie duke shtuar numrin e efektivëve rreth godinës së bashkisë si dhe duke bllokuar disa rrugë, duke nisur nga bulevardi kryesor.
Gjatë protestave të kaluara, protestuesit kanë goditur me vezë e fruta-perime fasadën e bashkisë. Por ndryshe nga herët e tjera, këtë të martë do të kenë përballë një banderolë të madhe kushtuar festës së 1 Qershorit, Ditës së Fëmijëve.
/a.r