Një 15-vjeçar i lindur në Londër do të bëhet adoleshenti i parë që do të njihet si shenjtor, pasi i është atribuar një mrekulli nga Papa Françesku.
Carlo Acutis, i cili vdiq nga leuçemia në vitin 2006, u lumturua në vitin 2020 pasi Kisha Katolike njohu faktin se ai kishte shëruar një djalë brazilian të quajtur Mattheus Vianna, i cili vuante nga një defekt serioz që prej lindjes e që kishte lënë të paaftë për të mbajtur ushqimin.
“Ajo mrekulli”, – e cila daton në shkurt 2014, “e pa djalin të shërohej plotësisht pasi ai preku foton e Carlos dhe tha ndalomëni të vjellat“, tha një prift dhe mik i familjes së Mattheus.
Mrekullia e dytë ndodhi kur një vajzë nga Kosta Rika, e cila po studionte në Itali, u shërua pasi pësoi një traumë në kokë. Ajo thuhet se u shërua nga djali pasi ai u thirr nga nëna e saj, Avvenire, raporton gazeta e përditshme e Konferencës së Peshkopëve Italianë (CEI).
Papa Françesku mori vendimin për t’ia atribuar mrekullinë e dytë Karlos gjatë një takimi me kreun e departamentit të shenjtërimit të Vatikanit, kardinalin Marcello Semeraro.
Carlo njihej jozyrtarisht si “ndikuesi i Zotit” pasi përdori aftësitë e tij kompjuterike për të përhapur besimin katolik. Carlo u rrit në Milano, ku u kujdes për faqen e famullisë së tij lokale dhe më vonë për një akademi me bazë në Vatikan.
Atribuimi i një mrekullie të dytë do të thotë se djali tani mund të ngrihet në shenjtëri, por Vatikani nuk e ka qartësuar se kur do të ndodhë kjo.
Kisha Katolike Romake mëson se vetëm Zoti kryen mrekulli, por se shenjtorët që besohet se janë me Perëndinë në parajsë ndërmjetësojnë në emër të njerëzve që u luten atyre.
Në mënyrë tipike, mrekullitë janë shërimi i pashpjegueshëm mjekësor i një personi. Për shkak të rolit të tij të rëndësishëm në ungjillizimin përmes internetit, Carlo u emërua edhe si mbrojtës i Ditës Botërore të Rinisë vitin e kaluar në Lisbonë.
/a.r