Varrimi i tij do të bëhet në vendlindjen e tij, Kokkinohor Kavala, që ishte edhe dëshira e fundit e këngëtarit të madh grek, Vassilis Karras.
Trupi i këngëtarit të madh popullor grek Vassilis Karras do të vendoset në një pelegrinazh popullor në Selanik, ku jetoi dhe hodhi hapat e parë të karrierës së tij të madhe si një amanet i tij para se të mbyllte sytë një herë e përgjithmonë në spitalin e Selanikut.
Vdekja e këngëtarit të njohur grek, Vassilis Karras preku zemrat e fansave, mes tyre edhe shqiptarë që janë rritur me këngët e tij. Këngëtari ndërroi jetë të dielën, pas një sëmundje të rëndë, (kancer), ndërsa ditët e fundit ishte diagnostikuar me koronavirus dhe ishte shtruar në spital.
Varrimi i Vassilis Karras do të bëhet të mërkurën e datës 27 dhjetor në orën 12:00 në vendlindjen e tij në Kokkinnohori, në komunën Pangaio Kavala.
Vassilis Karras lindi në Kokkinochori të Kavallës, më 12 nëntor 1953. Ai kishte dy vëllezër, Damianos dhe Anastasia. Kur ishte 10 vjeç shkoi me familjen në Selanik.
Emri i tij i vërtetë ishte Vasilios Kesoglides.
Në vitin 1969, në moshën 16-vjeçare, bëri paraqitjen e tij të parë muzikore në klubin e natës “Prosfygas” në Evosmos të Selanikut. Njëkohësisht punonte si automekanik, dashuria e tij e dytë e madhe pas këngës.
Ai kishte punuar në makaniken e OSE-së në Selanik, fakt që pasqyrohet në këngën e tij “Ego agapi mou, ego”.
Karrierën profesionale e nisi në Selanik dhe sa herë që ngjitej nga Athina në qytetin e Veriut, pistës ku këndonte i vihej flaka.
Disqet janë bërë ari dhe platini, ndërsa suksesi i tij më i madh komercial ishte disku “You Made Me a Tramp”, i cili shiti mbi 180,000 kopje, me tekst dhe muzikë të Michalis Rakintzis.
Ai kishte bashkëpunuar me një sërë emrash nga kompozitorë dhe tekstshkrues, si Dimitris Rakitzis Foivos, Giorgos Theofanous, Alekos Chrysovergis dhe Spyros Giatras, Evi Droutsa, Panos Falaras, Christos Dantes, Kyriakos Papadopoulos apo edhe Ilias Filippou, Michalis dhe Christos e shumë të tjerë.
Ai kishte pati duete me shumë këngëtarë si Marianthi Kefala, Pyx Lax, Konstantina, Angela Dimitriou, Tolis Voskopoulos, Nikos Zoidakis, Kaiti Garbi, Despina Vandi, Elli Kokkinu, Irini Merkouri, Paola, Pantelis Pantelidis si dhe me George Kakosao.
Karras kishte punuar me shumicën prej tyre në shumë programe live. Gjithashtu, ai ishte vetë kompozitor dhe tekstshkrues dhe kishte shkruar këngë për shumë këngëtarë grekë. Ka kënduar në Shqipëri dhe po ashtu ka bashkëpunuar me këngëtarë nga vendi ynë.
