Një konflikt për një pronë në Palasë ka përfunduar deri në përplasje mes dy biznesmenëve, Luan Muça, i njohur si Luani i Deltës dhe Vasil Bedinaj, pronar i disa hoteleve në Vlorë, i përfshirë në më parê përplasje të dhunshme dhe ndërtim pa leje. Në media u raportua sikur Luan Muça, me një grup prej 10 vetash (më pas 40.vetash), ka shkuar sot rreth orës 12:30 në ambjentet e hotel “Regina” të Vasil Bedinajt në Vlorë me 8 makina, ku fillimisht kanë kërcënuar me fjalë pronarin e hotelit, Vasil Bedinaj, ndërsa më pas kanë nxjerrë armët. Gjithashtu pretendohet nga Bedinaj se Muça i ka kërkuar 5 milionë euro si gjobët ose duhej të largohej nga Shqipëria për 48 orë.
Si qëndron e vërteta?
Konflikti konsiton për një pronë në Palasë, e piketuar për të ndërtuar një resort. Biznesmeni Luan Muça ka blerë një tokë në Vlorë me AMT, duke marrë vërtetim pronësie. Pasi ka mbaruar procedura, kanë ardhur disa banorë të zonës, pretendentë për pronarë të të njëjtës pronë, me AMT. Muça ka hyrë në negociata dhe e ka blerë edhe një herë pronën në Palasë, duke kërkuar më pas leje për zhvillimin e pronës.
(Vasil Bedinaj)
Më pas biznesmeni Vasil Bedinaj ka blerë një sipërfaqe prone pranë pronës së Vasil Bedinaj dhe një parcelë dyshohet brenda pronës së blerë dy herë nga Luan Muça. Edhe Bedinaj ka marrë vërtetim pronësie. Sipas burimeve, pas kësaj prone me shumë pronarë pretendentë, qëndrojnë dy figura të krimit të organizuar, në kërkim nga SPAK për vepra të rënda penale. Ka dyshime se procedurat janë bërë me ndikimin e një tjetër personazhi me pushtet në Hipotekë, i arrestuar disa ditë më parë nga SPAK-u.
(Luan Muça)
Një burim pranë hipotekës tha se ka dyshime të forta se janë ndryshuar koordinatat e pronës, duke e zhvendosur nga kodrat tek prona e blerë dy herë nga Luan Muça. Jo vetëm kaq. Vasil Bedinaj mësohet se ka marrë edhe leje nga qeveria për ndërtim (zhvillimin e pronës). Bëhet fjalë për një investim me vlerë qindra milionë euro.
Kështu ka nisur një konflikt mes dy biznesmenëve. Që të dy e kanë blerë tokën tek banorë të zonës, pronarë të pretenduar. Pra, nuk bëhet fjalë për gjobëvënie. Duket e çuditshme se si qeveria ka dhënë leje për ndërtim resorti dhe kompleksi vilash në një pronë e blerë tre herë dhe me disa pronarë pretendetë njëherësh për të njëjtën sipërfaqe.