Deputeti i PS Eduart Shalsi ka deklaruare se 46-vjeçari Ismet Habili që u gjet i vrarë në makinë, nuk ka qenë shofer.
“Lidhur me lajmin e publikuar në disa media për ngjarjen tragjike në zonën e Komunës së Parisit, dua të sqaroj se informacioni sipas të cilit 46-vjeçari ishte shoferi im është i pavërtetë”, deklaron Shalsi.
Ndërkohë policia vijon hetimet për zbardhjen e plotë të ngjarjes dhe rrethanave të saj.
Siç kemi raportuar deri më tani, referuar hetimeve të kryera dyshimet janë se Habili rreth orës 20:20 të mbrëmjes së djeshme i dha fund jetës së tij pasi u vetëqëllua me armë zjarri.
Ndonëse fillimisht u dyshua për atentat me silenciator, pasi në momentin e ngjarjes në zonë raportohet se nuk janë dëgjuar të shtëna me armë, ngjarja mori tjetër kthesë.
Habili kishte një plagë të madhe në kokë dhe në tavanin e mjetit të tij janë gjetur shenja plumbi, ç’ka lë të kuptohej se ai u vetëqëllua.
Rrethanat e vdekjes së Habilit janë të paqarta, ndërsa hetimet për zbardhjen e plotë të rastit janë në vijim.
Ndërsa dyshimet janë se 46-vjeçari kreu vetëvrasje pas një debati që ka pasur me familjarët e tij, pasi telefonata e fundit e viktimës raportohet se ka qenë me bashkëshorten e tij.
Burimi: Kronikë