FBI dhe Departamenti Amerikan i Sigurisë Kombëtare u kanë kërkuar agjencive të zbatimit të ligjit në të gjithë Shtetet e Bashkuara të zbatojnë masat maksimale të alarmit për shkak të rrezikut të sulmeve të reja të ngjashme me atë të New Orleans. Mediat amerikane raportojnë se Agjencia dhe departamenti u dërguan një memorandum rreth 18,000 drejtuesve të policisë lokale dhe sherifëve duke paralajmëruar të jenë “super vigjilentë” edhe nëse nuk ka ndonjë kërcënim specifik.
Shqetësimi në buletinin informativ të këtyre agjencive u bë publik të premten, një ditë pasi FBI-ja arriti në përfundimin se Shamsud-Din Jabbari, një 42-vjeçar nga Teksasi, ishte “100 për qind i frymëzuar” nga grupi militant Shteti Islamik për kryerjen e sulmit që shkaktoi vdekjen e të paktën 15 personave dhe plagosjen e dhjetëra të tjerëve.
Ndërkohë, Shtëpia e Bardhë ka njoftuar se Joe Biden dhe Zonja e Parë do të shkojnë në New Orleans më 6 janar për të takuar familjet e viktimave të sulmit, anëtarët e komunitetit lokal dhe autoritetet lokale, raporton A2 CNN.
Natën e Vitit të Ri 15 njerëz humbën jetën dhe dhjetëra të tjerë u plagosën në New Orleans pasi një kamionçinë, e drejtuar nga Shamsud-Din Bahar Jabbar, goditi një turmë. Autori i masakrës, i cili mbante pajisje ushtarake dhe gjithashtu mbante një flamur të ISIS-it, “vraponte me shpejtësi të madhe dhe kishte një qëllim të fortë për të shkaktuar masakër”, thanë autoritetet lokale. Në mesin e 15 viktimave është edhe vetë Xhabari, i cili mbeti i vrarë në një përplasje zjarri me policinë.