Një paralajmërim masiv për cunami është lëshuar në Kili pas një tërmeti të fuqishëm me magnitudë 7.5 ballë – duke bërë që autoritetet të nisin një evakuim.
Evakuimet masive erdhën pas një tërmeti të fortë në Puerto Williams në Passage Drake pranë brigjeve kiliane dhe argjentinase.
Shërbimi Kombëtar Kilian për Parandalimin dhe Reagimin ndaj Fatkeqësive tha se zona bregdetare e rajonit Magallenes në Kilin Jugor do të evakuohet për shkak të rrezikut të cunamit.
Shërbimi Gjeologjik i Shteteve të Bashkuara konfirmoi tërmetin, duke thënë se tërmeti ndodhi midis Kepit Horn dhe Antarktidës.
Fotografitë treguan civilë që iknin nga ndërtesat si pjesë e evakuimeve pas tërmetit. Pamjet dramatike treguan njerëz që largoheshin nga shtëpitë e tyre dhe ecnin drejt një pike kontrolli sigurie në vendin e Amerikës së Jugut.
Zonat bregdetare u evakuuan për shkak të “valëve të rrezikshme” që erdhën pas tërmetit në Grykën Drake.
Sipas Qendrës Kombëtare Sizmologjike, tërmeti ndodhi kur ora po shënonte 9:00 të mëngjesit me orën lokale. Agjencia fillimisht tregoi se tërmeti kishte një magnitudë prej 7.5 ballësh të premten në mëngjes. Raportohet se thellësia e tërmetit ishte 6.2 milje.