Gjatë vizitës në Kamëz, Rama u tha vajzave të pranishme se nëse kanë ndonjë simpatizantë demokratë duhet t’ju bëjnë provën e karakterit për të kuptuar nëse duan të shkojnë në Europë apo në kënetë. Më tej, Rama tha se nuk e kupton sesi mund të votosh kënetën dhe se është mission human të ndihmosh ata që janë akoman të verbër në votën e tyre.
“Nëse ka vajza që kanë simpatizantë demokratë, duhet t’ju bëjnë provën e karakterit për në Europë apo në kënetë. Nëse të thotë hajde në kënetë, ti e kupton që ai nuk është mirë. I thua hajt se po të marrë nesër dhe i thuaj ik mbytu vetë.
Nuk e kuptoj dot si mundet një njeri normal të cohet në mëngjes, të vishet dhe të zbukurohet dhe të mbajë rradhë për të cuar votën në kënetë. Më mirë të rri në shtëpi apo te kafja dhe të presi sa të jetë diferenca. Si mund të votosh kënetën, nuk e kuptoj. Është mision human t’i ndihmosh akoma ata që janë të verbër që të hapin sytë që nuk mundet kjo punë të shkojë kështu”.