Qeveria e ardhshme e Serbisë planifikon të zhvillojë bisedime me Rusinë për të negociuar një marrëveshje afatgjatë për furnizimin me gaz natyror.
Kështu ka deklaruar Radomir Saiçiç, një prej eksponentëve më të rëndësishëm të Listës Studentore.
Lëvizja e mbështetur nga studentët, e cila mposhti koalicionin e udhëheqësit shumëvjeçar serb Aleksandar Vuçiç në zgjedhjet parlamentare të këtij muaji, kishte sinjalizuar më herët se Beogradi nuk do t’u bashkohej sanksioneve perëndimore kundër Moskës.
Megjithatë, vetë Vuçiç ka paralajmëruar se Lista Studentore do të tërhiqet nga ky qëndrim, ndërsa disa prej figurave të njohura të lëvizjes kanë lënë të kuptohet se marrëdhëniet e Serbisë me Rusinë mund të rishikohen.
Lista Studentore siguroi rreth 52.5% të votave në zgjedhjet e parakohshme të së dielës. Lëvizja u krijua pas protestave masive të nxitura nga shembja e një strehe në stacionin hekurudhor të Novi Sadit, në nëntor të vitit 2024, ku humbën jetën 16 persona.
Ngjarja shkaktoi akuza të shumta për korrupsion qeveritar dhe çoi në rrëzimin e Vuçiçit.