Kina i kërkon aleancës ushtarake të NATO-s që të ndalojë “nxitja e konfrontimit” pas akuzave të ngritura kundër Pekinit se vijon të ofrojë ndihmë të rëndësishme për Moskën në pushtimin e Ukrainës.
“NATO duhet të ndalojë së glorifikuari të ashtuquajturin kërcënim kinez, të ndalojë nxitjen e konfliktit dhe rivalitetit dhe të kontribuojë më shumë për paqen dhe stabilitetin në botë”, tha në një deklaratë një zëdhënës i misionit kinez në Bashkimin Evropian.
Ndërkohë, të tjera detaje tronditëse vijojnë të nxjerrin në pah brutalitetin e luftës në Ukrainë.
Të tjera varre masive civilësh janë zbuluar së fundmi në qytetin e Avdeyevka në Donetsk, ku ndodheshin trupat e dhjetëra personave.
Sipas raportimeve, vendvarrimi ishte i improvizuar, teksa në trupat e civilëve u gjetën gjurmë të qarta torturash përpara se të vriteshin.
Autoritetet lokale aktualisht po punojnë për identifikimin e të vdekurve dhe gjetjen e të afërmve të tyre.
/a.r