Ish-konkurrentja e ‘Përputhen’, Shqipe Hysenaj, ka komentuar çështjen që prej dominon prej dy ditësh jo vetëm studiot televizive, por edhe bisedat në çdo tavolinë dhe taksi; videot intime të kompozitorit Adrian Hila me disa aktore dhe këngëtare. Duke u dhënë një mesazh dashnoreve të Ad Hilës, Shqipe Hysenaj ka këshilluar të gjitha vajzat e reja që të punojnë me djersë dhe të mos zgjedhin rrugën e shkurtër për t’u pasuruar.
Ndërkaq, ish-deputetja e Partisë Demokratike, Ori Nebiaj, ka reaguar pas shpërndarjes në rrjetet sociale të videove intime, duke shprehur shqetësimin për cënimin e jetës private të personave të përfshirë te mënyra se si pamjet intime regjistrohen dhe shpërndahen pa pëlqim. Sipas saj, shqetësimi kryesor nuk duhet të jetë se me kë kanë marrëdhënie personat në video, por cenimi i privatësisë dhe përgjegjësia e atyre që i filmojnë apo i shpërndajnë këto materiale. “Skandali nuk është jeta intime e njerëzve. Skandali është thyerja e privatësisë së tyre dhe mënyra si ne i presim, i kërkojmë e i shpërndajmë ato pamje”, shkruan Nebiaj.
Edhe deputetja Marjana Koçeku ka reaguar lidhur me filmimet e publikuara gjatë dy ditëve të fundit, duke deklaruar se vëmendja publike nuk duhet të përqendrohet te kjo çështje, por te zhvillime që, sipas saj, kanë më shumë rëndësi. Koçeku solli në vëmendje bashkimin e partive shqiptare në Serbi, të cilat do të garojnë së bashku në zgjedhjet parlamentare të 25 tetorit, nën një listë të përbashkët të quajtur “Koalicioni Shqiptar”.
Edhe Monika Kryemadhi ka reaguar ditën e sotme lidhur me videot intime të personazheve të njohur të ekranit, të cilat prej disa ditësh po qarkullojnë në rrjetet sociale. E pyetur nga gazetarët nëse i ka parë videot, Kryemadhi u përgjigj se po, duke shprehur keqardhje dhe neveri për publikimin e tyre. Sipas saj, përgjegjësi duhet të mbajnë ai person që i ka regjistruar, ashtu edhe ai që i ka shpërndarë materialet.