130 delegacione dhe mbi 200 mijë qytetarë janë mbledhur sot në sheshin e Shën Pjetrit në Vatikan për të marrë pjesë në ceremoninë mortore të Papa Françeskut.
Njerëz që luten, mbajnë në duar foton e tij dhe nuk i mbajnë dot lotët po marrin pjesë në ceremoninë e lamtumirës.
Disa pritën gjatë natës për të siguruar një vend për ceremoninë.
Papa Françesku, i cili nuk pranoi të gjykonte homoseksualët ose katolikët e divorcuar, besonte se Kisha “është një shtëpi për të gjithë”, tha kardinali italian Giovanni Battista Re në predikimin e tij funeral.
Ai udhëhiqej nga “bindja se Kisha është një shtëpi për të gjithë, një shtëpi me dyert e saj gjithmonë të hapura … një Kishë e aftë t’i përkulet çdo personi, pavarësisht nga bindjet ose gjendja e tij, dhe të shërojë plagët e tij”, tha ai.
