Nëntë persona u shpallën fajtorë për ndërtim të paligjshëm dhe shtatë vila në zonën e Mulletit u konfiskuan me vendim gjykate, raporton A2 CNN.
Pas hetimeve u arrit në përfundimin se të dënuarit kanë konsumuar elementet e veprave penale të parashikuara nga nenet 199/a/3, 186/2, 186/3 në bashkëpunim dhe 300 të Kodit Penal, pasi në zonën e Mulletit, në ekonominë pyjore 1/a dhe 2/a, janë ndërtuar 7 objekte (vila), formalisht të pajisura me leje rindërtimi, por që rezultoi se dokumetacioni tekniko ligjor i përdorur pasqyronte të dhëna të rreme, si dhe duke cenuar fondin pyjor, në juridiksion të Bashkisë Tiranë.
Të dënuarit janë:
1. Armand Prelezi, arkitekt, akuzuar për veprën penale “Falsifikim i dokumenteve”;
2. Klevis Bregu, arkitekt, akuzuar për veprën penale “Falsifikim i dokumenteve”;
3. Manush Teqja, akuzuar për veprën penale “Ndërtim i paligjshëm” dhe “Falsifikim i dokumenteve”;
4. Florian Zela, i akuzuar për veprën penale “Ndërtim i paligjshëm” dhe “Falsifikim i dokumenteve”;
5.Abaz Teqja, akuzuar për veprën penale “Ndërtim i paligjshëm” dhe “Falsifikim i dokumenteve”;
6.Mehmet Durishti, akuzuar për veprën penale “Ndërtim i paligjshëm” dhe “Falsifikim i dokumenteve”;
7.Tefta Visha, akuzuar për veprën penale “Ndërtim i paligjshëm” dhe “Falsifikim i dokumenteve”;
8.Dorina Dushku, akuzuar për veprën penale “Ndërtim i paligjshëm”; dhe
9.Arblin Harizi, akuzuar për veprën penale “Ndërtim i paligjshëm” dhe “Falsifikim i dokumenteve”
Hetimet vijojnë në drejtim të veprimeve dhe mosverimeve të enteve publike si dhe bashkëpunëtorëve të mundshëm, për veprat penale të “Falsifikimi i dokumenteve” dhe “Shpërdorimi i detyrës” parashikuar nga nenet 186/3 dhe 248 të Kodit Penal.
/a.r