Një javë pas hyrjes në fuqi të marrëveshjes së armëpushimit, Hamasi dhe Izraeli kanë hedhur një tjetër hap në zbatim të saj. Paraditen e kësaj të shtune Hamasi liroi 4 ushtarake izraelite që i kishte marrë peng prej 7 Tetorit 2023. Të katra ushtaraket u kërkuan fillimisht në një podium në qytetin e Gazës mes një turme të madhe palestinezësh dhe të rrethuar nga dhjetëra luftëtarë të armatosur të Hamasit.
Ato përshëndetën turmën përpara se të largoheshin dhe të hynin në automjetet e Kryqit të Kuq, i cili di dërgoi ato në Izrael. Momenti i lirimit prej tyre nga Hamasi është ndjekur me emocione në Izrael, teksa shumë qytetarë e ndoqën të gjithë procesin përmes ekraneve të mëdha të vendosura në sheshe. Karina Ariev, Daniela Gilboa, Naama Levy dhe Liri Albag u vendosën të gjithë në një post vëzhgimi në buzë të Gazës dhe u rrëmbyen nga luftëtarët e Hamasit që pushtuan bazën e tyre gjatë sulmit ndaj Izraelit më 7 tetor 2023.
Atu u liruan në këmbim të një grupi të burgosurish palestinezë sipas një marrëveshjeje armëpushimi që synon t’i japë fund luftës 15-mujore në Gaza. Hamasi tha se 200 të burgosur do të lirohen nga Izraeli të shtunën si pjesë e shkëmbimit. Ata pritet të përfshijnë anëtarë të Xhihadit Islamik, Hamasit dhe Frontit Popullor për Çlirimin e Palestinës (PFLP), disa prej të cilëve të dënuar me burgim të përjetshëm.
Shkëmbimi i planifikuar i së shtunës është i dyti që nga fillimi i armëpushimit të dielën e kaluar kur Hamasi dorëzoi tre civilë izraelitë në këmbim të 90 të burgosurve palestinezë.