Gjykata e Lartë vendosi të premten se një ndalim i diskutueshëm i TikTok mund të hyjë në fuqi këtë fundjavë, duke hedhur poshtë një apel nga pronarët e aplikacionit popullor që pretendonin se ndalimi shkelte Amendamentin e Parë.
Sipas mediave të huaja, Gjykata e Lartë dha një opinion të panënshkruar dhe nuk pati asnjë kundërshtim të theksuar.
Vendimi, i cili pasoi paralajmërimet nga administrata Biden se aplikacioni përbënte një kërcënim “të rëndë” të sigurisë kombëtare për shkak të lidhjeve të tij me Kinën, do të lejojë që ndalimi të fillojë të dielën. Por ka shumë pyetje të vazhdueshme rreth mënyrës sesi ndalimi do të funksiononte në praktikë, sepse nuk ka asnjë precedent që qeveria amerikane të bllokojë një platformë të madhe të mediave sociale. Dhe se si do ta zbatonte saktësisht qeveria këtë vendim, mbetet e paqartë.
Në opinionin e saj, Gjykata e Lartë pranoi se për 170 milionë amerikanë TikTok ofron “një rrugë të veçantë dhe të shtrirë për shprehje”.
Por gjykata tha se Kongresi ishte i fokusuar në shqetësimet e sigurisë kombëtare dhe se ishte një faktor vendimtar në mënyrën se si e peshonte çështjen.
“Kongresi ka përcaktuar se ndalimi është e nevojshme për të adresuar shqetësimet e tij të sigurisë kombëtare të mbështetura mirë në lidhje me praktikat e mbledhjes së të dhënave të TikTok dhe marrëdhëniet me një kundërshtar të huaj”, shkroi gjykata.
