Giro d’Italia vjen për herë të parë në Shqipëri. Lajmin e bën të ditur vetë kryeministri Edi Rama me anë të një postimi në llogarinë e tij në “Facebook”.
Një nga ngjarjet më të mëdha të çiklizmit në botë do të zhvillohet në datat 9,10 dhe 11 maj në qytetin e Durrësit, Tiranës dhe Vlorës.
“Për herë të parë në histori… Giro d’Italia vjen në Shqipëri. Një nga ngjarjet më të mëdha të çiklizmit botëror do të zhvillohet në datat 9, 10 dhe 11 Maj në Durrës, Tiranë dhe Vlorë. 180 çiklistë profesionistë, kampionë nga e gjithë bota, do të garojnë në rrugët tona, duke e vendosur Shqipërinë në hartën e sportit dhe emocioneve globale”, shkroi kryeministri.
