Presidenti ukrainas Volodymyr Zelenskiy tha se pati një bisedë “të sinqertë” me kryeministrin hungarez Viktor Orban në margjinat e inaugurimit të presidentit argjentinas Javier Milei të dielën.
“U tregua sa më i sinqertë që të ishte e mundur – dhe padyshim, kishte të bënte me çështjet tona evropiane,” tha Zelenskiy në adresë të videos së postuar në kanalin Telegram të hënën.
Takimi në fakt u zhvillua në një sfond tensionesh dhe kërcënimit të Orban për të bllokuar sa më shumë mbështetjen financiare të Bashkimit Evropian për Kievin, si dhe kundërshtimit të tij për hyrjen e Ukrainës në bllok.
Shefi i shtypit i Orban, Bertalan Havasi konfirmoi për Reuters takimin, në një email por nuk sqaronte nëse udhëheqësi hungarez do të vazhdonte të kundërshtonte hyrjen e Ukrainës në Bashkimin Evropian.
Një videon e kanalit YouTube të Senatit argjentinas tregohej Zelenskiy dhe Orban duke biseduar për rreth 20 sekonda teksa ndodheshin mes të ftuarve të tjerë, në parlamentin argjentinas, përpara një samiti të BE-së që do të mbahet më 14-15 dhjetor. Samiti do të vendosë nëse do të fillojnë bisedimet e anëtarësimit me Ukrainën, por edhe me vendet e tjera kandidate që i kanë çelur negociatat, përfshirë Shqipërinë.
/Liberale.al/
