Ekipet e shpëtimit po bëjnë përpjekjet e tyre për të gjetur dhe shpëtuar njerëzit e bllokuar nga përmbytjet në provincat Guangdong dhe Fujian, të cilat janë goditur nga shirat e rrëmbyeshëm, shkruan “China Daily”.
Në Nanping, provinca Fujian, 69 persona të bllokuar u evakuuan me sukses në vend të sigurt deri mëngjesin e të martës, njoftuan autoritetet lokale.
Niveli i ujit në qarkun Guangze të Nanping arriti deri në 230.9 metra, që ishte deri në 2.4 metra mbi vijën paralajmëruese gjatë periudhës së pikut.
Ujërat përmbytën shumë vende në qark të hënën dhe bllokuan shumë banorë. Ekipet lokale të shpëtimit dërguan varka gome, xhaketa shpëtimi dhe litarë shpëtimi, ndër të tjera, në zonat e prekura rëndë. Po ashtu, ata inspektuan zonat me rrezik të lartë të rrëshqitjeve të dheut dhe fatkeqësive gjeologjike.
Më shumë se 1800 punonjës të ekipeve të shpëtimit me pajisje janë mbledhur në qytet. Në Meizhou, provincën Guangdong, tre helikopterë u dërguan në zonat e goditura për të ndihmuar në kërkimin e të zhdukurve.
Përmbytjet katastrofike, për shkak të stuhive të vazhdueshme, u kanë marrë jetën të paktën nëntë personave deri më tani.
Të paktën 13 persona u bllokuan në provincat Guangdong dhe Fujian dhe shumë të tjerë rezultojnë të zhdukur.
