Deputetët e parlamentit gjatë muajit të fundit të këtij sesioni parlamentar nuk i kanë shpëtuar penaliteteve për mospjesëmarrje në seancë. Nga 10 deri në 60 mijë lekë heqje të pagës kanë marrë si nga mazhoranca ashtu edhe nga opozita.
Deputetët nuk i kanë shpëtuar gjobave as muajin e fundit të punës për këtë sesion parlamentar.
Me heqje të pagës nga 10 deri në 60 mijë lekë, kështu i është tërhequr veshi ligjvënësve të Kuvendit për mungesë të pjessmarrjes në séance plenare apo në komisione.
Gjatë muajit korrik mazhoranca ka numrin më të lartë të deputetëve të penalizuar ku 15 prej tyre kanë munguar.
Blendi Klosi, Eduard Shalsi, Pandeli Majko janë disa prej ligjvënësve socialistë të cilëve i janë hequr rreth 10 mijë lekë nga paga. Ndërsa gjobën më të lartë në radhët e së majtëve e kanë marrë Plarent Ndreca dhe Paulin Sterkaj me 30 mijë lekë gjobë.
Por rekordi për penalitetin më të lartë në pagë e mban opozita. Deputetja Oriola Nebiaj mban sërish rekordin e shifrës më të lartë të mbajtjes së pagës me rreth 60 mijë lekë vetëm për muajin korrik.
Pas nuk mbetet as deputetja Andia Ulliri me një gjobë prej 51 mijë lekësh ndërsa Enekelejd Alibeaj vjen pas tyre me penalitetin prej 40 mijë lekësh.
Janë 13 deputetë në radhët e së djathtëve të cilët kanë marrë dhe gjoba më të vogla si 10 deri në 30 mijë lekë heqje të pagës.
Aktualisht deputetët e parlamentit paguhen 310 mijë lekë në muaj, pagë e cila u dyfishua në mars të vitit që lamë pas me vetë votat e tyre.
MAZHORANCA
Antoneta dhima 10,238
Paulin Sterkaj 30,715
Fadil Nasufi 10,238
Tatiana Nurce 20,477
Bardhyl Kollçaku 20,477
Alban Xhelili 10,238
Ilir Topi 10,238
Agron Çela 51,192
Laert Duraj 20,477
Nasip Naço 20,477
Lavdrim Krrashi 20,477
Blendi Klosi 10,238
Eduard Shalsi 10,238
Pandeli Majko 10,238
Plarent Ndreca 30,730
OPOZITA
Albana Vokshi 10,238
Saimir Korreshi 10,238
Agron Gjekmarkaj 10,238
Gezim Ademaj 20,477
Andia Ulliri 51,192
Flutura Açka 32,202
Merita Bakiu 10,238
Lulzim Basha 10,238
Arbi Agalliu 10,238
Eralda Bano 10,238
Orjola Pampuri 10,238
Enkelejd Alibeaj 40,954
Orjola Nebiaj 61,431
