Policia e Kosovës ka arrestuar një tjetër shtetas, të dyshuar për përfshirjen në vrasjen e Lirdiona Ademajt më 29 nëntor.
Sipas Sinjalit, i arrestuari, Tomë Dodaj dyshohet se i ka siguruar armën e krimit, vrasësit, Granit Plava.
Më parë në lidhje me këtë ngjarje, u vunë në pranga, bashkëshorti Naim Murseli, i cili porositi vrasjen, Granit Plava, autori i vrasjes dhe Kushtrim Kokalla, nipi i Naim Murselit.
Ata janë dërguar në burgun e sigurisë së lartë në Dyz, në mase të paraburgimit.
