Procesi i zgjedhjeve lokale në Maqedoninë e Veriut për vitin 2025 ka prodhuar këto rezultate pas raundit të parë të votimit: 33 komuna shkojnë në balotazh.
Sipas të dhënave zyrtare të Komisionit Shtetëror të Zgjedhjeve (KSHZ), 44 komuna kanë zgjedhur tashmë kryetarin e tyre, ndërsa në 33 të tjera do të mbahet raundi i dytë. Ndërkohë, në tri komuna, Mavrovë dhe Rostushë, Vrapçisht dhe Qendër Zhupë, votimi i raundit të parë do të përsëritet, për shkak të pjesëmarrjes së ulët që nuk e ka kaluar pragun e nevojshëm për vlefshmërinë e zgjedhjeve.
Komunat ku janë zgjedhur kryetarët që në raundin e parë janë: Berovë, Manastir, Bosilovë, Butel, Vasilevë, Vevçan, Veles, Gazi Babë, Gjevgjeli, Gjorçe Petrov, Gradsko, Dellçevë, Demir Hisar, Zelenikovë, Ilinden, Jegunovcë, Kevadar, Karabinci, Novo Sellë, Ohër, Petrovec, Pehçevë, Prilep, Radovish, Resnjë, Sveti Nikollë, Sopishtë, Strumicë, Shtip, Haraçinë, Zhelin, Saraj, Tearcë, Çair, Bogdanci, Kriva Pallankë, Krivogaštani, Gostivar, Likovë, Plasnicë.
Komunat ku do të zhvillohet raundi i dytë i votimit janë: Aerodrom, Bërvenicë, Valandovë, Vinicë, Debarcë, Demir Kapi, Dojran, Zrnovci, Karposh, Kërçovë, Konçe, Koçani, Makedonska Kamenica, Makedonski Brod, Mogilla, Negotinë, Probishtip, Rankovce, Ceshinovo-Obleshevë, Bogovinë, Dibër, Dollneni, Tetovë, Krushevë, Lozovo, Rosoman, Qendër, Çucer Sandevë, Strugë, Shuto Orizar, Kumanovë, Studeniçan, Qyteti i Shkupit.
Siç shkruan Alsat, për komunën e Staro Nagoriçanit, rezultati mbetet i paqartë pasi kandidati kryesor ka marrë fiks 50 për qind të votave, duke lënë të hapur mundësinë për një verifikim shtesë apo vendim të mëvonshëm nga autoritetet zgjedhore.
Procesi zgjedhor po vijon nën vëzhgimin e institucioneve vendore dhe ndërkombëtare, ndërsa faza e dytë pritet të jetë vendimtare për formimin e pushtetit vendor në pjesën tjetër të vendit.