Organizata ndërkombëtare UNICEF ka shprehur indinjatën e tij, pas vrasjes së dy shoferëve të kamionëve, që ishin kontraktuar për të shpërndarë ujë të pijshëm për familjet në Gaza.
Sipas një deklarate të organizatës, ngjarja ndodhi të premten në mëngjes gjatë një operacioni rutinë për furnizimin me ujë në pikën e mbushjes së ujit të Mansourës në veri të Gazës. Dy persona të tjerë u plagosën gjatë sulmit.
UNICEF gjithashtu theksoi se mbrojtja e civilëve dhe e atyre që ofrojnë ndihmë jetike është një detyrim sipas ligjit ndërkombëtar humanitar.
Kjo ngjarje vjen pasi më shumë se 750 palestinezë janë vrarë që nga nisja e një armëpushimi të ndërmjetësuar nga SHBA-të dhe Katari në tetor të vitit 2023. Gjatë kësaj periudhe, më shumë se 72,000 persona janë vrarë në Luftën e Gazës, pas një sulmi të drejtuar nga Hamasi në jug të Izraelit.
Po ashtu, në Bregun Perëndimor të pushtuar, një palestinez u vra nga forcat izraelite në Khirbet Salama. Pas këtij incidenti, ushtria izraelite njoftoi se një person i pajisur me thikë u vra në vendin e quajtur Negohot, një fshat në Bregun Perëndimor. Ushtria izraelite tha se ky ishte një “terrorist” që kishte depërtuar në komunitetin e Negohot dhe ishte “eliminuar”.
Sipas Ministrisë së Shëndetësisë Palestineze, që nga fillimi i luftës në Gaza në tetor 2023, forcat izraelite kanë vrarë më shumë se 1,060 palestinezë në Bregun Perëndimor.