Presidenti i SHBA Donald Trump është treguar i ashpër ndaj Punitit. Ai ka deklaruar se “brenda dy javësh do ta dimë nëse Putini po tallet me ne apo jo”.
Trump u zotua për ndryshim kursi nëse kupton që presidenti rus Vladimir Putin nuk e merr seriozisht marrëveshjen për paqe në Ukrainë.
Ai u shpreh i zhgënjyer nga sulmet e Moskës. Trump nuk specifikoi se çfarë masash do të merrte për të ndëshkuar Rusinë, por theksoi se se gjuha e tij e re e ashpër ndaj Moskës do të flasë vetë.
Trump shprehu shqetësimin se sanksionet e reja të mundshme ndaj Rusisë mund të rrezikonin një marrëveshje. Presidenti i SHBA tha se ende beson që Rusia “duket se dëshiron të bëjë diçka lidhur me paqen”, por shfaqi pasiguri për që vendi ka për t’i dhënë fund luftës.
“Nëse mendoj se jam afër një marrëveshjeje, nuk dua ta prish atë. Dhe më besoni, unë jam shumë më i ashpër se njerëzit për të cilët po flisni. Nuk mund t’ju them, por do t’ju njoftoj pas rreth dy javësh. Do ta zbulojmë nëse po na shfrytëzon apo jo, dhe nëse po, do të reagojmë pak më ndryshe”, u tha Trump gazetarëve në Uashington.