Mediat e huaja shkruajnë se helikopteri me të cilin po udhëtonte presidenti iranian Ebrahim Raisi është përfshirë në një aksident. Paraprakisht, dyshohet se shkak është bërë moti i keq me reshje të dendura shiu dhe erë të fortë. Televizioni shtetëror i Iranit ka raportuar se aksidenti ndodhi në një qytet në kufi me Azerbajxhanin, rreth 600 kilometra në veriperëndim të Teheranit.
Mësohet se kreu i shtetit islamik, po udhëtonte për në Azebajxhan për të inaguruar një digë me homologun e tij, Ilham Aliyev. Aktualisht bëhet me dije se asnjë nga personat e ndodhur në helikopter nuk janë lënduar.
Irani ka një shumëllojshmëri helikopterësh në vend, por sanksionet ndërkombëtare e bëjnë të vështirë që ata të blejnë pajisje të reja për ta. Flota ushtarake daton që para vitit 1979.
Raisi shihet si një lider suprem në Iran, ndërkohë që është sanksionuar nga SHBA për përfshirjen e tij në ekzekutimin masiv të mijëra të burgosurve politikë në vitin 1988, në fund të luftës së përgjakshme Iran-Irak.