AlbTimes
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
AlbTimes
Home Politikë

Përurohet shkolla “Asim Vokshi”, Veliaj: Kur bëhemi bashkë, bëjmë gjëra të bukura, si kjo shkollë moderne

by SHT Media
01/02/2024
in Politikë
6
0
Përurohet shkolla “Asim Vokshi”, Veliaj: Kur bëhemi bashkë, bëjmë gjëra të bukura, si kjo shkollë moderne
6
SHARES
301
VIEWS
Share on FacebookShare on Twitter

Përurohet shkolla e mesme e Gjuhëve të Huaja “Asim Vokshi” në Tiranë, e cila do të mirëpresë 750 nxënës në mjediset e reja. Gjimnazi ofron kapacitete të zgjeruara dhe hapësira moderne për nxënësit dhe është rindërtuar me mbështetjen e programit EU4Schools, financuar nga BE dhe zbatuar nga UNDP. Kryetari i Bashkisë së Tiranës, Erion Veliaj, i pranishëm sot në ceremoninë e përurimit, së bashku me Ambasadorin e Bashkimit Europian në Tiranë, Silvio Gonzato përfaqësuesin e UNDP, Francisco Roquette dhe ministren e Arsimit, Ogerta Manastirliu, u shpreh shumë i kënaqur me xhevahirin e ri që i shtohet buqetës së 40 shkollave të reja në kryeqytet.

“Ndihem i bekuar sot sepse kemi prodhuar një histori suksesi. Kemi ndërtuar dhe rikonstruktuar një sërë shkollash te ‘Don Bosko’ si, ‘Jeronim De Rada’, ‘Hasan Vogli’, ‘Qazim Turdiu’, ‘Vaçe Zela’, ‘Kristo Frashëri’, por ajo që kam kuptuar është se sa herë që mbaron një shkollë e re, aty rifillon edhe një komunitet i ri. Shumë prej këtyre shkollave kanë qenë një rifillim për gjithë jetën komunitare, pasi janë hapësira jo vetëm për nxënësit, por edhe për komunitetin që e përdorin palestrën pas mësimit, për një shoqatë që mëson fëmijët me sportin”, u shpreh Veliaj.

Më tej, ai shtoi se Tirana e sotme është shumë ndryshe nga Tirana e 2015-ës. Sot, nënvizoi Veliaj, ka një transformim të jashtëzakonshëm të realitetit, pasi 25% e Tiranës prodhon turizëm dhe 25% teknologji informacioni. Kryebashkiaku risolli në vëmendje edhe ndërtimin e kampusit permanent të Kolegjit të Europës.

“Përtej kampusit të përkohshëm duam të kemi edhe një kampus të përhershëm për Kolegjin e Europës. Do të ndërtohet te ish parkingu i autobusëve, që shërbente si terminal provizor, pranë Qytetit Studenti. Shumë shpejt nisim punën aty. Është një kompliment për Tiranën, për Shqipërinë, për të gjithë ambicien tonë europiane, çka tregon se me miq të mirë asnjë vend nuk është i pashpresë. Nëse një vend e ndan mendjen, nëse një vend mobilizohet, nëse një qeveri, një bashki, një skuadër, sistemi jonë arsimor, e ndan mendjen që do të ecim para, ja ku jemi sot. E filluam të fundit procesin e integrimit, sot jemi numër një. Kishim Samitin e B40-ës këtë javë, pritëm të gjithë kryetarët e bashkive të rëndësishme të rajonit. Ne mund ta bëjmë këtë vend të duket si mesjetë, siç ka ndodhur në historitë tona të vështira të 97-98-ës, ose mund ta bëjmë këtë vend të jetë hapsira më europiane e Ballkanit”, tha Veliaj.

Ministrja e Arsimit dhe Sportit, Ogerta Manastirliu falenderoi kryebashkiakun Veliaj për gjithë transformimin e bërë në sistemin arsimor në Tiranë. “Falenderoj nga zemra Lali Erin. E para sepse Tirana i ka rinovuar dhe modernizuar të gjithë rrjetin e shkollave dhe pa këtë modernizim që ka ndodhur ne nuk do të arrijmë dot kurrë të modernizojmë edhe bërthamën kurrikulare të sistemit arsimor në të gjitha nivelet e studimit. Atë që në fakt jemi duke bërë nëpërmjet programit që, së bashku me kryeministrin Rama edhe me prezencë dhe mbështetjen e BE edhe të një sërë partnerësh të tjerë, ne duam që të startojmë duke hapur kështu një kapitull të ri të zhvillimit të sistemit arsimor”, tha Manastirliu.

Edhe përfaqësuesi i UNDP, Francisco Roquette shprehu falënderimet e tij për kryetarin e Bashkisë së Tiranës dhe ministren e Arsimit për bashkëpunimin e tyre gjatë gjithë këtij udhëtimi. “Jam veçanërisht i nderuar që jam sot këtu, për të shënjuar një themel të rëndësishëm në inaugurimin e kësaj shkolle fantastike. Qëndron si një provë e vërtetë e fuqisë transformuese të programit të Bashkimit Europian për shkollat. Programi “EU4Schoools” thekson vlerën e rëndësishme të arsimit cilësor. Siç demonstrohet nga 750 nxënësit dhe 62 mësuesit, të cilët tani mund të mësojnë dhe të japin mësim, të nxënë dhe të mësojnë në një ambient më të mirë. Shkolla e re ofron ngrohje qendrore me efiçencë energjie, të cilën besoj ju do ta vlerësoni nga dita në ditë, akses për nxënësit me aftësi të kufizuara, palestër e brendshme, laborator kimie, mbështetje psikologjike dhe dhoma të psikologut”, tha ai.

Ambasadori i BE-së në Shqipëri, Silvio Gonzato vlerësoi punën e bërë në Tiranë nga kreu i Bashkisë së Tiranës, që nga shkollat, kopshtet, çerdhet e deri te korsitë e biçikletave.

“Ky është një nga ato projekte për të cilat jam më shumë krenar. Kishte të bënte me solidaritetin, si një nga vlerat kryesore të BE. Këtu nuk ishte ideja vetëm për të ndërtuar shkolla, por për të krijuar një sistem arsimi modern. Ne duhet të kemi njerëz që mund të arrijnë në krye të Shqipërisë e ta bëjnë këtë një vend modern, efikas, pa korrupsion, ku njerëzit kanë të ardhmen e tyre të ndritur, ndaj ne kemi investuar kaq shumë. Duhen promovuar po ashtu edhe stimuj në mënyrë që punëdhënësit të marrin në punë rininë, ndaj këtë skemë kaq të rëndësishme të BE e kemi sjellë edhe në Shqipëri. Ne duhet t’ju japim mundësi që ju të nxirrni në pah potencialin tuaj”, u shpreh Ambasadori i BE.

SendShare2Tweet2

Lajmet e fundit

Shqipëria bëhet me godinë të re në Londër, ku ndodhet prona që kushtoi 3.7 milionë paund?

16/11/2026

Kontrolle në Kapshticë, dy autobusë kapen me mallra të paligjshme, arrestohet një 55-vjeçar

16/11/2026

Në “arrest shtëpie”, 33-vjeçarit i vendosin tritol në portën e banesës

16/11/2026

Reagon Brukseli: Konferenca e radhës ndërqeveritare mund të jetë më 15 dhjetor

16/11/2026

Emri/ Tritol për herë të dytë brenda muajit në një dyqan lulesh në Tiranë: Për shkak të djalit që luan bixhoz

16/11/2026

“Provokim apo injorancë?”/ Terras pas incidentit në Forumin e BE-së: Marta Kos i detyrohet Kosovës një shpjegim

16/11/2026

Aksion në pikat e Goricës dhe Kapshticës, arrestohet 57-vjeçari i shpallur në kërkim për tentativë vrasjeje në Austri! Goditen dhe dy raste kontrabande

16/11/2026

EMRI/ Aksidenti tragjik në “Tunelin e Murrizit”, kjo është doktoresha që humbi jetën në përplasjen fatale! (FOTO)

16/11/2026

“Shqetësuese!”- Kënga nacionaliste serbe në aktivitetin e BE, Haxhiu: Bie ndesh me parimet europiane të paqes, presim sqarim nga KE!

16/11/2026

Skandal në Bruksel! Kënga nacionaliste serbe dëgjohet në aktivitetin e Komisionit Evropian, kryenegociatori Bajrami: Presim sqarime!

16/11/2026

Operacion në Atlantik, Marina e Francës kap nëndetësen që po transportonte 146 kg kokainë!

16/11/2026

EMRAT/ Plagosja me thikë në Burgun e Durrësit, ja kush janë autori dhe i dëmtuari që u përleshën!

16/11/2026

Dyshohet se planifikoi sulmin e 7 tetorit, Izraeli vret një tjetër komandant të lartë të Hamasit!

16/11/2026

EMRAT/ I shpallur në kërkim për vrasje më 2023, arrestohet 23-vjeçari! Në pranga edhe i dyshuari si bashkautor dhe shoqëruesi i tij

16/11/2026

Mbetet në fuqi/ Kërkoi parashkrimin e dënimit me 2 vite burg, GJKKO rrëzon kërkesën e ish-kryeprokurorit Adriatik Llalla!

16/11/2026
Facebook Twitter Instagram LinkedIn
AlbTimes

Të fundit

  • Shqipëria bëhet me godinë të re në Londër, ku ndodhet prona që kushtoi 3.7 milionë paund?
  • Kontrolle në Kapshticë, dy autobusë kapen me mallra të paligjshme, arrestohet një 55-vjeçar

Shfletoni

  • Botë
  • Dossier
  • Editorial
  • Jetë
  • Kosovë
  • Kronikë
  • Kryesore
  • Kuriozitete
  • Opinion
  • Politikë
  • Sociale

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
WP2Social Auto Publish Powered By : XYZScripts.com
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
SAVED POSTS

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.