AlbTimes
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
AlbTimes
Home Kronikë

Grabitja e 43 mijë eurove në Ballsh, shiriti i dasmës zbuloi autorët. Si u organizua skema me dy makina

by Alb Times
22/11/2026
in Kronikë
6
0
Grabitja e 43 mijë eurove në Ballsh, shiriti i dasmës zbuloi autorët. Si u organizua skema me dy makina

Foto: Kronikë

6
SHARES
301
VIEWS
Share on FacebookShare on Twitter

Një shirit i kuq me mbishkrimin “Çifti me jetë të lumtur” është kthyer në një nga provat kryesore që ndihmoi hetuesit të zbardhnin grabitjen e një agjencie udhëtimi dhe këmbimi valutor në Ballsh, ku u morën rreth 43 mijë euro dhe 1 milion lekë. Ngjarja ndodhi më 26 mars të këtij viti, ndërsa pas disa muajsh hetime, Prokuroria e Fierit ka përfunduar dosjen dhe ka kërkuar dërgimin për gjykim të tre personave të dyshuar për përfshirje në vjedhje.

Sipas materialeve hetimore, autorët dyshohet se kishin hartuar një plan të detajuar përpara se të kryenin grabitjen, duke përdorur dy automjete dhe një mënyrë të pazakontë për të fshehur targat e makinës së përdorur gjatë ngjarjes.

Por, si u realizua grabitja?

Në orën 16:17 të datës 26 mars, Ferat Shehaj, punonjës në agjencinë e udhëtimit dhe këmbimit valutor në Ballsh, u largua për disa çaste nga ambientet e punës për të marrë automjetin e tij, të parkuar rreth 100 metra larg. Mbi tavolinë kishte lënë një çantë shpine, ku ndodheshin 38 mijë euro, 4 mijë paund dhe rreth 1 milion lekë.

Pikërisht në këtë moment, në ambientet e agjencisë hyri një person i maskuar, i veshur me të zeza, me kapuç, kapele dhe doreza. Ai mori çantën me paratë dhe u largua menjëherë, pa u ndalur te sendet e tjera që ndodheshin në tavolinë.

Pas grabitjes, personi i dyshuar u largua me një Audi A4 të zi, të pajisur me portobagazh, në drejtim të Hekalit, Klosit dhe më pas Fierit. Ferat Shehaj u vu në ndjekje të automjetit dhe njoftoi policinë. Gjatë dëshmisë, ai përmendi një detaj që rezultoi vendimtar për hetimin: targat e makinës ishin mbuluar me një shirit të kuq ku shkruhej “Çifti, jetë të lumtur”.

Hetuesit nisën verifikimin e pamjeve të kamerave të sigurisë dhe arritën të identifikonin automjetin. Gjatë hetimeve u zbulua se disa orë para ngjarjes, njëri prej personave të dyshuar kishte blerë një shirit të tillë në dyqanin “Gold Flower” në Fier. Ky element ndihmoi në lidhjen e personave të dyshuar me automjetin e përdorur gjatë grabitjes.

Një tjetër element që tërhoqi vëmendjen e hetuesve ishte marrja me qira e një automjeti Honda Jazz të zi në Fier, po atë ditë. Sipas dosjes, automjeti ishte marrë nga shtetasja Anna Meissane Boudiaf, ndërsa në sigurimin e tij dyshohet se kishin ndihmuar edhe dy personat e tjerë të përfshirë në hetim.

Prokuroria ka analizuar pamjet filmike të lëvizjeve të tyre që prej orëve të paradites. Në orën 10:53, Audi i zi është filmuar duke mbërritur në një servis automjetesh në aksin Fier-Patos, pranë Drejtorisë Vendore të Policisë. Prej tij kanë zbritur tre personat e dyshuar, të cilët më pas kanë marrë Honda Jazz-in.

Në orën 11:47, kamerat kanë regjistruar gjithashtu një prej tyre pranë dyqanit të luleve, ku është blerë shiriti i kuq që më vonë u përdor për të mbuluar targat e Audit. Sipas analizës së prokurorisë, Honda Jazz dyshohet se është përdorur për të krijuar një alibi dhe për të kamufluar lëvizjet e personit që kreu grabitjen. Të dhënat GPS të automjetit janë administruar si pjesë e provave, duke dokumentuar lëvizjet e tij gjatë ditës së ngjarjes dhe rifillimin e qarkullimit pas orës 18:39.

Në dosjen hetimore përfshihet edhe një komunikim në Messenger mes Ferat Shehajt dhe një të njohuri të tij që jetonte në Greqi. Sipas materialeve të administruara nga hetuesit, ky person i kishte përcjellë Shehajt një mesazh, ku thuhej se vëllai i njërit prej të dyshuarve kishte pranuar se grabitjen e kishte kryer pikërisht ai.

Motivi i përmendur lidhej me një konflikt të mëparshëm mes tij dhe Shehajt, pasi ky i fundit nuk i kishte prerë një biletë avioni. Gjithashtu, gjatë marrjes në pyetje, njëri prej personave nën hetim ka deklaruar se kishte ndihmuar një të njohur për të marrë një automjet me qira në Fier, duke dhënë detaje për takimin dhe lëvizjet e asaj dite.

Tre persona dërgohen për gjykim

Në përfundim të hetimeve, Prokuroria e Fierit ka arritur në përfundimin se tre të dyshuarit kanë pasur role të ndryshme në realizimin e grabitjes. Sipas akuzës, Gëzim Fejzulla dyshohet si organizator dhe ekzekutor i vjedhjes, Anna Meissane Boudiaf dyshohet se ka ndihmuar në krijimin e alibisë përmes automjetit me qira, ndërsa Arsen (Odise) Saliaj dyshohet se ka kontribuar në sigurimin e automjetit dhe organizimin e lëvizjeve.

Prokuroria ka kërkuar dërgimin e të treve në gjyq, të akuzuar për veprën penale të vjedhjes në bashkëpunim me pasoja të rënda. Kështu, një grabitje e planifikuar me kujdes, ku u përdorën makina të ndryshme dhe u tentua të fshiheshin gjurmët përmes një shiriti dasme, u zbardh falë pamjeve të kamerave të sigurisë, të dhënave GPS dhe provave të mbledhura gjatë hetimit.

Tags: KronikëKryesoret
SendShare2Tweet2

Lajmet e fundit

Franca miraton ligjin për përdorimin e armëve nga policia, e majta e kundërshton: Po jepni leje për të vrarë

22/11/2026

Grabitja e 43 mijë eurove në Ballsh, shiriti i dasmës zbuloi autorët. Si u organizua skema me dy makina

22/11/2026

Vuçiç drejt akuzës penale, Financial Times: Qeveria i premtoi Kushnerit projektin pa tender

22/11/2026

Operacioni në Gramsh / Kokaina u zbulua në banesat e dy personave me “arrest shtëpie”, nën hetim edhe policët

22/11/2026

Studentët e Ramës, studentët e Berishës, studentët e Arlindit dhe të tjerë…

22/11/2026

Deklarata e fortë nga Britania e Madhe: Vladimir Putin është ‘kasap’ dhe jo miku ynë

22/11/2026

Meta: Pse Rama po e çon qëllimisht euron në pikiatë?

22/11/2026

Ali Ahmeti pas takimit me Ramën: I kërkova kujdes të shtuar të Shqipërisë për zhvillimet politike në rajon

22/11/2026

Teknologjia po na “mëson” të mos lexojmë

22/11/2026

Aksion antidrogë me disa të arrestuar në Gramsh, sekuestrohet kokainë

22/11/2026

Rama në Manastir, zbulohet pllaka përkujtimore e Konsullatës së Nderit të Shqipërisë

22/11/2026

Dështon Konferenca e OKB për Ndryshimet Klimatike, COP31 nuk arrin marrëveshje në Antalia

22/11/2026

Buxheti afatmesëm i BE-së shkakton debate, Franca dhe Gjermania kundërshtojnë planin

22/11/2026

Ripërtëritje me licencë nga Berisha

22/11/2026

63 vite nga vrasja e John Kennedy, atentati që tronditi Amerikën dhe misteret që ende nuk kanë marrë përgjigje

22/11/2026
Facebook Twitter Instagram LinkedIn
AlbTimes

Të fundit

  • Franca miraton ligjin për përdorimin e armëve nga policia, e majta e kundërshton: Po jepni leje për të vrarë
  • Grabitja e 43 mijë eurove në Ballsh, shiriti i dasmës zbuloi autorët. Si u organizua skema me dy makina

Shfletoni

  • Botë
  • Dossier
  • Editorial
  • Jetë
  • Kosovë
  • Kronikë
  • Kryesore
  • Kuriozitete
  • Opinion
  • Politikë
  • Sociale

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
WP2Social Auto Publish Powered By : XYZScripts.com
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
SAVED POSTS

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.