12 finalistë nga vende të ndryshme të botës prezantuan sot projektet e tyre për “Parkun e Besimit”, një hapësirë unike që do të ndërtohet në Petrelë, brenda të cilit do të bashkëjetojnë të gjitha besimet fetare.
Fitues u shpall ‘BIG Bjarke Ingels Group’, ndërsa pjesëmarrësit ishin nga Mbretëria e Bashkuar, Portugalia, Danimarka, Gjermania, Spanja, Meksika, Belgjika, Holanda, Italia, dhe prezantuan propozimet e tyre për parkun e ri unikal.
I pranishëm kryeministri Edi Rama tha se, do donte që të ndërtoheshim më shumë parqe të tilla, ndërsa e cilësoi këtë projekt si një prohjekt që do ti bëjë të gjithë krenarë.
‘Rama dua të falenderoj të gjithë ata që morën pjesë në këtë konkurs. Kishte shumë gjëra që duheshin diskutuar ndërkohë që përpiqeshim të gjenim ato që ishin pro dhe kundër. Ishte e vështirë që të merrnin një vendim. Doja të merrja mendimet e disave prej jush dhe prap gjeta dilema por njëri duhet që të fitonte. Jemi të bindur dhe do doja që të mundeshim që të bënim më shumë parqe në këtë mënyrë. Ky park dhe është diçka që do të jemi të gjithë shumë krenarë’, tha ai.
Sipërfaqja ku do ndërtohet “Parku i Besimit” është 210 mijë metër katrorë buzë luginës së Erzenit. Projekti duhet të ideohet për të pritur 30 mijë vizitorë në vit, si dhe brenda tij do të ketë struktura që do të shërbejnë për evente të vogla por edhe për ngjarje me kapacitet deri 500 persona. Çdo gjë e ndërtuar brenda këtij parku do të jetë me simbolet e secilit besim.
Brenda parkut do të ndërtohen 100 ‘streha mikpritëse’ që vizitorët të kalojnë një ‘mirëqenie spirituale të lartë’. Brenda parkut do të ketë edhe restorante të përshtatura me gatimet tradicionale të secilës komunitet fetar, si dhe do të ketë një pavijon me pemë e bimë që kanë rëndësi të veçantë për besimet fetare. Po ashtu brenda parkut do të ngrihet ‘Muzeu i Kujtesës’ kushtuar viktimave të persekutimit fetar nën regjimin komunist.