Një faqe internet, ka gjetur në pemën gjenealogjike një lidhje (të largët) midis Papa Leonit XIV dhe ish-futbollistit problematik Eric Cantona. Por midis të afërmve të shquar francezë, përveç atyre siçilianë tashmë të njohur, është edhe Albert Camus.
Një lidhje gjaku ka hetuar origjinën familjare të Papa Leonit XIV, Robert Francis Prevost, Papa i parë amerikan në historinë e Kishës. Për të cilin, Franca pretendon “të drejten e lidhjes së gjakut” të familjes së tij në një farë mënyre. Kjo për shkak se një faqe interneti e specializuar në rindërtimin e pemëve gjenealogjike — Geneanet — pretendon se ekziston një lidhje e largët me ish-futbollistin Eric Cantona.
I cili nuk se ishte një shenjtor në fushë, siç mund ta kujtojë mirë tifozi i Crystal Palace që mori një shqelm në fytyrë nga sulmuesi i atëhershëm i Manchester United. Lidhja midis Papa Leonit XIV dhe Cantona – edhe nëse shkon përtej gjashtë shkallëve të famshme të ndarjes – të bën të dridhesh pak. Nga njëra anë, trashëgimtari i Shën Pjetrit, nga ana tjetër, një ish-atlet i cili, sigurisht, nuk njihet për qetësinë e tij.
Pra, ndërsa Italia betohet se Prevosti ka paraardhës në rajonin e saj të Piemontes, francezët pretendojnë me zë të lartë origjinën e familjes së tij, e cila filloi – ose të paktën kështu duket – nga Normandia, duke kaluar nëpër Paris dhe më pas duke u zhvendosur në Luiziana dhe prej andej në Çikago, vendlindja e Papa Leoni XIV.
Në veçanti, nëpërmjet gjyshes së tij nga nëna, Suzanne Louise Marie Fontaine (1894-1979), e lindur në Le Havre nga prindër kuzhinierë normanë, e cila emigroi në Shtetet e Bashkuara në vitin 1915.
Jo vetëm kaq. Midis të afërmve të largët – ose më saktë, atyre shumë të largët, sepse këtu kalojmë nga brezi i 14-të në të 16-tin – është edhe filozofi dhe shkrimtari ekzistencialist francez Albert Camus, fitues i Çmimit Nobel për letërsi në vitin 1957 (i cili vdiq në vitin 1960). Për të cilin mund të thuhet se ësht pak më “i butë” se Cantona.
Por kujdes: nëse origjina franceze e Papa Leoni XIV është e njohur mirë, edhe Italia e Jugut konsiderohet e përfshirë. Sipas serverit discord të Genealogy dhe Qendrës së Généalogie frankofone të Amerikës, gjyshi i Papës nga ana e babait, ishte nga Milazzo, në provincën e Mesinës-Siçili.
Ai quhej Salvatore Giovanni Riggitano dhe lindi në Milazzo më 24 qershor 1876 në shtëpinë në Via Ottaviana. Ai ishte djali i Riggitano Santi dhe Alioto Maria, të cilët u martuan në vitin 1853. Lajmin e raportoi edhe Gazzetta del Sud disa ditë më pare. Gazeta në fjalë publikoi certifikatat e lindjes dhe të martesës të lëshuara nga Bashkia e Milazzos.
Gjyshi i Papa Prevostit emigroi në Amerikë në vitin 1904 me anijen Lombardia, e cila u nis nga porti i Napolit. Në Shtetet e Bashkuara ai u bë John dhe gjithashtu e ndryshoi mbiemrin e tij në Prevost (mbiemri i nënës së gruas së tij Suzanne Louise Marie Fontaine) sepse ishte tashmë i martuar./Corriere Della Sera
