Zbardhet vendimi i Gjykatës së Posaçme kundër Korrupsionit dhe Krimit të Oraganizuar, për konfirmimin e masave “detyrim paraqitje” dhe ndalim dalje jashtë shtetit për Sali Berishën. Në këtë vendim theksohet se ish-kryeministri ka zgjedhur me vullnetin e tij mosparaqitjen në seancë, duke u përfaqësuar me avokat kryesisht.
Ndërsa në faqen nr.2 gjykata thekson se oficerët e policisë tentuan ta njoftojnë Berishën më 22 tetor në selinë e PD, për mesën e vendosur ndaj tij, por përfunduan në zyrën e Flamur Nokës deri rreth mesnatës, pa arritur të kontaktojnë me ish-kryeministrin.
GJKKO ka rrëzuar pretendimet ish-kryeministrit Berisha për shkelje të Kushtetutës, duke theksuar se masa e dhënë ndaj tij nuk ëhstë heqje lirie.
