Policia e Tiranës nuk ka proceduar asnjë person që qëndronte pranë ambienteve të GJKKO dhe SPAK, teksa mbahej seanca gjyqësore për rivlerësimin e masës së sigurisë së kryebashkiakut të Tiranës, Erion Veliajt.
A2 CNN pyeti policinë, të cilët pohuan se qëndrimi i tyre pranë këtyre ambienteve nuk ishte në formë proteste, por kanë qenë miq e të afërm të kryebashkiakut socialist që e mbështesnin atë dhe se nuk është bllokuar rruga prej tyre.
Por ndryshe ndodhi dy ditë më parë, kur disa të rinj shkuan pranë bllokut të sigurisë në rrugën “Mine Peza”, ku qëndronte Veliaj dhe në orën 00:30 minuta ndezën fishekzjarrë.
Në këtë rast u proceduan 8 persona për mosbindje ndaj policisë dhe prishje e qetësisë dhe rendit publik.