Një ngjarje e rëndë është shënuar në Tajlandë. Një 41-vjeçare shqiptare ka ndërruar jetë pasi u mbyt në pasi u mbyt në det në plazhin Karon të Phuket. Ngjarja u shënua më 10 qershor, ndërsa viktima është identifikuar si Daniela Idrisi.
Sipas mediave ajo kishte hyrë për të notuar në një zonë ku ishin vendosur flamuj të kuq paralajmërues për ndalim noti për shkak të dallgëve të forta dhe erërave të rrezikshme. Pavarësisht paralajmërimeve, ajo dhe bashkëshorti i saj me origjinë egjiptiane, Mohammed Abdulkhaliya Hamdi Alsaba, 43 vjeç, u futën në det, ndërsa shqiptarja u zhduk brenda disa çasteve.
Ekipet e shpëtimit ndërhynë menjëherë dhe arritën të nxjerrin trupin e saj nga deti, duke i dhënë ndihmën e parë dhe kryer CPR, përpara se ta transportonin drejt spitalit të Chalong. Fatkeqësisht, ajo ndërroi jetë përpara se të mbërrinte në spital..
Çifti i bashkëshortëve kishin mbërritur në plazhin Karon të Phuket një ditë para tragjedisë dhe kishin planifikuar të qëndronin aty deri nesër (12 qershor).
