Emri/ Ndryshime në SHISH: Lirohet nga detyra Inspektorja e Përgjithshme, ja kush emërohet

Në mbledhjen e sotme të Këshillit të Ministrave është marrë vendimi për të liruar nga detyra e inspektorit të Përgjithshëm të Shërbimit Informativ të Shtetit, Suela Bedenin.

Në vend të saj qeveria ka emëruar Blend Çobanin si inspektor i Përgjithshëm i Shërbimit Informativ të Shtetit.

VENDIMI I QEVERISE

LIRIMIN DHE EMËRIMIN NË DETYRË TË INSPEKTORIT    TË PËRGJITHSHËM TË SHËRBIMIT INFORMATIV TË SHTETIT

Në mbështetje të nenit 100 të Kushtetutës dhe të nenit 12, të ligjit nr.8391, datë  28.10.1998, “Për Shërbimin Informativ të Shtetit”, të ndryshuar, me propozimin e Kryeministrit, Këshilli i Ministrave

V E N D O S I:

1. Znj. Suela Bedeni, inspektor i Përgjithshëm i Shërbimit Informativ të Shtetit, lirohet nga kjo detyrë.
2. Z. Blend Çobani emërohet inspektor i Përgjithshëm i Shërbimit Informativ të Shtetit.

Ky vendim hyn në fuqi menjëherë./m.j