Detaje të reja janë zbardhur nga plagosja me armë që ndodhi pasditen e sotme në fshatin Stropckë të Pogradecit, ku 83-vjeçari Agim Shkullaku qëlloi me armë të birin, Përparim Shkullaku.
Fqinjët jashtë kamerave tregojnë se menjëherë pasi kishte qëlluar dy herë mbi trupin e të birit, ende pa mbërritur ambulanca dhe policia, i moshuari ka shkuar në dyqanin e lagjes për të blerë biskota.
Në këtë moment ai u ka thënë fqinjëve fjalinë: “Do të më duhen sot për në komisariat“.
Ky veprim ka çuditur fqinjët, të cilët pavarësisht ngjarjes, kanë lajmëruar menjëherë policinë e cila ka bërë të mundur arrestimin e menjëhershëm të 83-vjeçarit.
Konflikti mes babait dhe djalit ka ndodhur për motive banale, pasi ky i fundit në gjendje të dehur ka goditur fizikisht të atin, ndërsa i moshuari ka marrë armën e gjahut dhe e ka plagosur.
Ndërkohë, 47-vjeçari i plagosur është transportuar me helikopter për në Spitalin e Traumës në kryeqytet.
/a.r