Rrëzimi i avionit në Ahmedabad është një nga më të rëndët në vitet e fundit, por jo i vetmi.
Në vitin 2025 më shumë se 60 persona u vranë kur një avion i American Airlines u përplas me një helikopter të ushtrisë amerikane. Ngjarja ndodhi më 29 Janar dhe humbën jetën më shumë se 60 persona.
Në vitin 2024 ndodhën disa aksidente ajrore të rënda. Më 29 Dhjetor një fluturim ndërkombëtar i Jeju Air në Korenë e Jugut u përplas në Aeroportin Ndërkombëtar të Muanit dhe humbën jetën 179 persona.
Më 25 dhjetor të po të atij viti një fluturim i Azerbaijan Airlines u rrëzua në tokë duke vrarë 38 persona. Presidenti Ilham Aliyev tha se avioni u dëmtua si pasojë e të shtënave nga toka në Rusi, por Moska nuk e ka konfirmuar këtë.
Ndërsa në Japoni më 2 Janar 2024 një avion u përplas me një avion të Rojes Bregdetare duke shkaktuar në total 379 të vdekur.
Më 21 mars 2022 në Kinë, një avion i kompanisë China Eastern Airlines (Boeing 737-800) u rrëzua në një zonë malore në rajonin jugperëndimor Guangxi, duke shkaktuar vdekjen e të 132 personave që ndodheshin në bord. Ky ishte aksidenti më i rëndë ajror në Kinë në 28 vitet e fundit.
Rojet Revolucionare të Iranit qëlluan gabimisht një avion të linjës Ukraine International Airlines (UIA) më 8 janar 2020, pak minuta pas nisjes nga aeroporti i Teheranit. Të 176 personat në bord humbën jetën. Autoritetet iraniane fajësuan një radar të keqorientuar dhe një gabim njerëzor nga operatori i mbrojtjes ajrore.
Më 10 mars 2019, një avion Boeing 737 MAX 8 i kompanisë Ethiopian Airlines u rrëzua pak minuta pas ngritjes nga Addis Ababa drejt Nairobit, duke vrarë të 157 personat në bord. Ky aksident çoi në pezullimin global të të gjithë flotës Boeing 737 MAX për arsye sigurie.
Ndërsa më 29 tetor 2018, një avion Boeing 737 MAX i kompanisë Lion Air u rrëzua në Detin e Javas menjëherë pas ngritjes nga Jakarta. Të 189 personat në bord humbën jetën.
Dy tragjedi goditën Malaysia Airlines po në vitin 2014:
Fluturimi MH17, që u nis nga Amsterdami për në Kuala Lumpur më 17 korrik 2014, u qëllua mbi Ukrainën lindore gjatë përleshjeve mes separatistëve pro-rusë dhe forcave ukrainase. Të 298 personat në bord humbën jetën.
Më 8 mars 2014 fluturimi MH370 u zhduk në rrugën nga Kuala Lumpur drejt Pekinit. Trupi i avionit Boeing 777 dhe të 239 personat në bord nuk janë gjetur ende, duke mbetur një nga misteret më të mëdha ajrore në histori.