Një 34-vjeçar është arrestuar në Laç, pasi ishte i shpallur në kërkim nga autoritetet italiane për shkak se është dënuar me burg.
Në pranga ka rënë i riu Everest Aliu, alias, Everest Veseli, i cili kryente vjedhje në Itali duke u futur me forcë nëpër banesa.
Gjykata e Apelit të Firencës caktoi ndaj 30-vjeçarit 6 vite, 5 muaj e 22 ditë burg, nën akuzën e pjesëtarit të një grupi kriminal që kryente vjedhje me thyerje në banesa. Në shtator të vitit të kaluar, grupi ku merrte pjesë dhe shqiptari ka kryer 12 vjedhje të tilla.
Sakaq, Interpol Tirana me homologët e saj në Itali po bashkëpunojnë për ekstradimin e tij.
Njoftimi i Policisë së Shtetit:
Operacione të njëpasnjëshme nga Drejtoria e Forcës së Posaçme Operacionale, për lokalizimin dhe kapjen e shtetasve në kërkim ndërkombëtar.
Finalizohet operacioni policor i koduar “Operacionalja 43”.
Kapet në Laç, 1 shtetas i dënuar nga autoritetet italiane, me mbi 6 vjet burgim, si pjesëtar i një grupi kriminal që kryente vjedhje me thyerje në banesa.
Në vijim të bashkëpunimit me partnerët italianë, nëpërmjet strukturave homologe Interpol Tirana dhe Interpol Roma, shërbimet e Drejtorisë së Forcës së Posaçme Operacionale, në kuadër të operacionit “Operacionalja 43”, lokalizuan në Laç, kapën dhe vunë në pranga, me qëllim ekstradimin në Itali, shtetasin Everest Aliu alias Everest Veseli, 34 vjeç.
Ky shtetas ishte shpallur në kërkim ndërkombëtar pasi Gjykata e Apelit e Firences, me vendimin e datës 22.07.2024, e ka dënuar me 6 vjet, 5 muaj e 22 ditë burgim, si pjesëtar i një grupi kriminal që kryente vjedhje me thyerje në banesa. Në muajin shtator të vitit 2014, ky grup ka kryer 12 vjedhje të tilla në banesa në provincën e Florences.
Interpol Tirana po bashkëpunon me homologët në Romë, për të finalizuar ekstradimin e këtij shtetasi, në Itali.
