Një 28 vjeçar është arrestuar nga uniformat blu në Tiranë, pasi dyshohet të jetë autori i 7 rasteve të vjedhjes.
I riu sipas njoftimit të Policisë, në muajit Janar, Shkurt dhe Prill të këtij viti, ka vjedhur në vende të ndryshme 3 telefona, 2 portofola, aksesorë të një makine, produkte nga një dyqan, si dhe i ka marrë nga qafa varësen e floririt një gruaje.
Njoftimi i Policisë:
Tiranë/Finalizohet operacioni policor i koduar “Last time”.
I shpallur në kërkim si autor i dyshuar i disa vjedhjeve, lokalizohet, kapet dhe ndalohet 28-vjeçari.
Dokumentohen 7 raste të vjedhjes, të kryera nga ky shtetas.
Në vijim të punës për parandalimin e vjedhjeve dhe zbardhjen e atyre të ndodhura më parë, shërbimet e Komisariatit të Policisë Nr. 3, si rezultat i hetimeve të kryera në bazë të kallëzimeve të bëra nga qytetarë të ndryshëm, organizuan dhe finalizuan operacionin e koduar “Last time”.
Në kuadër të operacionit, u kap dhe u ndalua shtetasi i shpallur në kërkim N. D., 28 vjeç, banues në Tiranë.
Ky shtetas dyshohet se gjatë muajve janar, shkurt dhe prill 2025, ka vjedhur në vende të ndryshme, 3 celularë, 2 portofola, aksesorë të një automjeti dhe produkte të ndryshme në një dyqan, si dhe i ka marrë nga qafa, varësen e floririt, një shtetaseje.
Vijon puna për zbardhjen e vjedhjeve të tjera që mund të jenë kryer nga ky shtetas.
Materialet procedurale iu referuan Prokurorisë së Tiranës, për veprime të mëtejshme.
