Kryeministri Edi Rama zhvilloi takim elektoral sot në Berat. Ai deklaroi se pas anëtarësimit në BE, Shqipëria do marrë 300 milion Euro vetëm për bujqësinë, duke shtuar se deri më tani janë financuar mbi 70 tregje për produktet bujqësore.
Në bashkëbisedim me fermerët, kreu i qeverisë foli edhe për planin që ka sa i takon promovimit të verës shqiptare. Duke ironizuar akuzat që ka hedhur Arben Ahmetaj dhe opozita ndaj tij pikërisht për konsumimin e kësaj pijeje, Rama tha se ka një progres të jashtëzakonshëm të vendit në këtë fushë.
“Kemi një plan paksa s’po them të vjetër, por po e quaj të pjekur tanimë për të ndërtuar ose më saktë për të pasur këtu një Berat, Muzeun e Verës. U kemi vënë syrin disa pikave ku mund të krijohet kjo infrastrukturë që do ishte promovuese, pak histori të këtyre autoktoneve dhe natyrisht prër të mbështetur sektorin. Ndërkohë edhe në atë qendrën e re të panaireve në Tiranë kemi planifikuar një hoteleri verërash. Kemi parë edhe disa shembuj nga vendet e tjera që kanë bërë modele të ndryshme në këtë drejtim. Ajo që do të bëjmë konkretisht është se duhet të gjejmë një rrugë se si të stimulojmë agro-turizmin që të marrin dhe promovojnë verën shqiptare. Se ti e di sipas këtyre pi verë 33 mijë Euro, e njoh mirë. Kur vijnë miq e të huaj, unë gjithmonë verë shqiptare. Për hir të së vërtetës përmirësimi është i jashtëzakonshëm! Ka verëra shqiptare që kanë nisur të hyjnë në restorante jashtë, ka ardhur momenti që kemi çfarë themi”, tha kryeministri.
