Kryeministri i Polonisë, Donald Tusk, ka bërë akuza të rënda ndaj Rusisë, duke thënë se Moska ka planifikuar sulme terroriste ndaj linjave ajrore në të gjithë botën.
Këto deklarata Tusk i bëri në një konferencë shtypi nga Varshava së bashku me Presidentin ukrainas, Zelensky.
Akuza të tilla janë bërë edhe më parë nga shtete perëndimore. Por Rusia i ka hedhur poshtë këto pretendime për akte sabotazhi dhe sulmesh në Europë.
Zyrtarë perëndimorë të sigurisë dyshojnë se inteligjenca ruse qëndron pas një komploti për të vendosur eksplozivë brenda pakove me mallra që dërgohen me aeroplan në SHBA.