Pas Kinës, regjistrohet rasti i parë me virusin HMPV në Greqi. Pacienti i parë me virusin HMPV në Selanik është një 71-vjeçar, i cili shfaqi simptomat e temperaturës, kollës dhe hundëve disa ditë pasi vajza e tij u kthye nga pushimet në Kinë.
I moshuari po trajtohet në spitalin Papanikolaou, ndërsa Ministria e Shëndetësisë ka sqaruar se gjendje shëndetësore e 71-vjeçarit nuk është shqetësuese.
“Po përpiqemi të përcaktojmë nëse ka ndonjë mutacion të virusit, sepse ai ka karakteristikën e mutacionit të lehtë dhe duam të shohim nëse ka ndonjë karakteristikë më të rrezikshme. Ne presim ekzaminimin e detajuar që e kemi kërkuar në detaje. Duke qenë se kjo epidemi ekziston në Kinë, nuk ka sesi të mos përhapet për momentin, nuk duket të jetë diçka që duhet të na shqetësojë”, deklaroi për mediat ministri i Shëndetësisë, Adonis Georgiadis.
Çfarë është HMPV?
HMPV është një virus i rrugëve të sipërme të frymëmarrjes, shumë i ngjashëm me gripin.
Ai u identifikua për herë të parë në 2001 në Holandë.
Si përhapet HMPV?
Cërkat e prodhuara gjatë kollitjes dhe teshtitjes.
Kontakti i ngushtë personal, si puthja, prekja ose shtrëngimi i duarve.
Prekja e sipërfaqeve të kontaminuara dhe më pas prekja e gojës, hundës ose syve.
Simptomat përfshijnë kollë, ethe, bllokim të hundëve dhe fishkëllima gjatë frymëshkëmbimit. Shumica e rasteve janë të lehta, me simptoma të ngjashme me rrufën e zakonshme.
Kush është në rrezik?
Foshnjat dhe të moshuarit.
Personat me imunitet të dobësuar.
Individët me sëmundje të mushkërive si astma, COPD ose emfizema.
Pasojat e mundshme
Në raste të rënda, HMPV mund të çojë në bronkit ose pneumoni, veçanërisht tek grupet e rrezikuara.
Si të parandalojmë përhapjen e HMPV?
Qëndroni në shtëpi kur jeni të sëmurë.
Mbani maska në ambiente të mbushura ose të ajrosura dobët.
Mbuloni kollën dhe teshtitjen me pecetë ose bërryl të përthyer.
Lani duart shpesh me ujë dhe sapun.
Shmangni prekjen e fytyrës me duar të palara.
Ndiqni këshillat e mjekut dhe merrni vaksinat e rekomanduara.