Avokati Andrea Zotaj, pjesë e Dhomës së Avokatisë në Gjirokastër është qëlluar me breshëri plumbash ditën e djeshme, 28 mars.
Ngjarja ka ndodhur në rrugën e vjetër te fshatit Qesarat në Memaliaj, teksa avokat Zotaj i shoqëruar nga nipi i tij, ishin duke shkuar në zonë me autoveturën e tyre.
Sipas dëshmive të avokatit, autori i ikishte zënë pritë për ta ekzekutuar, por ai i ka shpëtuar mrekullisht plumbave. Përmes një maniovre të automjetit që drejtonte arriti t’i shmangej goditjeve të plumbave të shkrehura nga ana e autorit.
Avokati Zotaj është shprehur se ngjarja ka qenë për shkak të detyrës. Autori i atentatit ishte ndaluar nga policia 2 netë para se të ndodhte ngjarja, pas një konflikti me të afërmin e tij për çështje pronash. Avokati Zotaj ka qenë pala mbrojtëse e të afërmit të autorit.
/a.r
