Kancelari gjerman, Friedrich Merz, duket se po bëhet gjithnjë e më realist mbi perspektivat e një përfundimi të shpejtë të luftës në Ukrainë falë përpjekjeve të udhëhequra nga Donald Trump.
“Kjo luftë do të përfundojë kur njëra nga dy palët të jetë e shteruar, ushtarakisht ose ekonomikisht,” tha Merz në një intervistë për gazetat Neue Berliner Redaktionsgesellschaft dhe Rheinpfalz.
Sa i përket Konferencës së Sigurisë të zhvilluar në Mynih, kancelari gjerman e përshkroi atë si një “sizmiograf” për gjendjen e marrëdhënieve SHBA–Evropë. Merz tha se lufta në Ukrainë “e ka detyruar Evropën të kthehet nga një pushim prej historisë botërore”.
Me hyrjen e luftës në vitin e pestë, konflikti ishte në krye të agjendës së konferencës së sigurisë. Presidenti francez Emmanuel Macron tha se çdo marrëveshje paqeje duhet të mbrojë Ukrainën, të ruajë sigurinë evropiane dhe të dekurajojë Rusinë nga një pushtim tjetër, pa dhënë një “shembull katastrofik për botën”.
Ai e quajti “një gabim strategjik të madh” nxitjen që Ukraina të pranojë se është e mposhtur.