Lidhur me krimin e rëndë në familjen shqiptare, ngjarje e ndodhur me datë 22 gusht 2025, janë zbardhur detaje të reja, që tregojnë më shumë mbi momentet e rastit tronditës.
Fillimisht çifti u përfshi në një konflikt të rëndë atë mëngjes, gjë kjo e dëshmuar dhe nga fëmijët e tyre të mitur. Pas këtij konflikti, në gjaknxehtësi e sipër, ka goditur me një mjet prerës bashkëshorten e tij. Ky mjet, përdoret për pjekje dhe imiton përdorimin e thikës.
36-vjeçarja, me aq fuqi sa i kishin mbetur, ka nxituar për të dalë nga shtëpia, duke arritur kështu deri tek hyrja kryesore e pallatit ku ata jetonin.
Ka qenë djali i tyre 13-vjeçar, i cili iu hodh në qafë të atit nga pas, në përpjekje për të ndaluar më tej krimin, raporton media greke taxydromos.gr.
E pranishme dhe vajza tjetër e çiftit, 16 vjeçe, ajo shkoi pranë së ëmës, e cila dha frymën e fundit në prehrin e së bijës.
Ky veprim i bërë nga 40-vjeçari, ka sjellë gjithashtu dhe mohimin e ekzistencës së tij për fëmijët, pasi vajza 18-vjeçare u shpreh “Për mua edhe ai vdiq”.
Autori, pritet të dalë para togave të zeza ditën e nesërme, ora 11:00, për t’u njohur me masën e sigurisë. Ai po hetohet për veprat penale “vrasje me dashje” si rezultat i dhunës në familje.