Presidenti amerikan, Donald Trump, reagoi ashpër ndaj një gazetari të agjencisë Reuters, pasi ky i fundit e pyeti për shëndetin e tij dhe vendimin për të mos zhvilluar një vizitë në Kansas, përpara zgjedhjeve të mesit të mandatit, që mbahen më 3 nëntor.
Përpara kamerave dhe gazetarëve të tjerë, Trump iu drejtua me tone të larta gazetarit, i cili e pyeti nëse vizita ishte anuluar për shkak të një problemi të mundshëm shëndetësor.
“Je i sëmurë! Shtrihu, je i neveritshëm, dukesh absolutisht i tmerrshëm! Për kë punon?”, i tha Trump.
Kur gazetari u përgjigj se punonte për Reuters, presidenti amerikan sulmoi edhe agjencinë e lajmeve, duke e cilësuar atë si “të tmerrshme”.
“Shikojeni këtë njeri, është krejtësisht i patrajnuar”, vijoi Trump.
Më pas, në një monolog para gazetarëve, presidenti shpjegoi se nuk do të shkonte në Kansas, duke thënë se po shkonte shumë mirë dhe se do të merrte pjesë në një aktivitet televiziv të fushatës.
“Nesër do të shkoj në Florida. Pasi të kem bërë – sa? – 28 tubime? Ai më pyet: ‘Cila është arsyeja, zotëri, që nuk do të shkoni në Kansas?’ E dini cila është arsyeja? Nuk ndiej se duhet të shkoj në Kansas”, deklaroi Trump.
Trump blows up at a reporter
Trump: You are a sick guy! Look at this guy. You’re way out of shape. You are disgusting! Put yourself in shape! You look like hell. https://t.co/LVaca2Hocl
— Acyn (@Acyn) October 29, 2026
The post Trump shpërthen ndaj gazetarit të Reuters: “Je i neveritshëm, për kë punon” (VIDEO) appeared first on Euronews Albania.
Burimi: Botë