Një person u vra dhe katër të tjerë u plagosën në veri të Francës, pasi një person hapi zjarr ndaj kalimtarëve.
Pas ngjarjes tragjike, reagoi kryeministri i vendit Sebastien Lecornu, i cili konfirmoi se autori është arrestuar nga Policia.
“Ngjarje shumë të rënda sapo kanë ndodhur në Trappes, në departamentin Yvelines. Një person ka humbur jetën dhe katër të tjerë janë plagosur. Personi në fjalë është arrestuar dhe është vënë në paraburgim policor“, shkroi Lecornu në platformën amerikane të mediave sociale X.
Ai ritheksoi se të gjitha forcat e sigurisë ishin mobilizuar plotësisht, ndërsa Zyra Kombëtare e Prokurorisë Kundër Terrorizmit po e ndiqte situatën.
Sipas transmetuesit BFMTV, i dyshuari qëlloi disa herë me armë zjarri nga një automjet në vende publike në Trappes dhe më pas në La Verriere.
Autori i dyshuar është një 39-vjeçar, identiteti i të cilit ende nuk është zbuluar.