Një situatë e paprecedentë ka ndodhur në Oqeanin Atlantik. Raportohet se shkencëtarët kanë zbuluar dhe lokalizuar më shumë se 1 mijë fuçi me mbetje bërthamore në Atlantikun Verilindor.
Ekipi ndërkombëtar kërkimor u nis nga Franca perëndimore, në mesin e qershorit drejt zonës së tyre të kërkimit në pellgun e Evropës Perëndimore të Atlantikut. Ata planifikojnë të kalojnë katër javë duke kërkuar fuçi me mbetje bërthamore dhe duke vlerësuar ndikimin e tyre në sigurinë globale.
Midis viteve 1950 dhe 1980, disa vende hodhën mbetje bërthamore në oqean. Thellësitë e oqeanit, larg bregut dhe aktivitetit njerëzor, dukeshin si një zgjidhje e lirë dhe e lehtë për asgjësimin e mbetjeve të gjeneruara nga zhvillimi industrial dhe laboratorët – të paktën aty ku oqeani konsiderohej gjeologjikisht i qëndrueshëm.
Vetëm në vitin 1993 u ndalua përfundimisht hedhja e mbetjeve bërthamore në oqean. Besohet se të paktën 200 mijë fuçi gjenden vetëm në Atlantikun Verilindor – në thellësi prej 3 mijë deri në 5 mijë metrash.